Que raio de língua é esta?*

CASARÁM antigo


Macau di janéla vérde
veneziána di tabique;
Macau di chám sobradado,
co enténa chucú parede
pa co-côi sobrado;
Saguám pa lavá rópa,
Teraço di chám di ladrilho.
lugar pa sugá rópa.

Macau di cadarám antigonostre
Cubrido co télia vemêlo,
Parede caiado,
Varánda empolado...

Únde têm vôs?

Macau di quintal co pôço,
Corda mará báldi,
Báldi elá água vêm riva.
Horta co árvre di frutázi
semeado aqui-ali;
Porta-trás pa sai lap-sap,
pa áma comprá som,
apô di cartá águ-fónti,
intr´s-sai di casa.

Únde têm vôs?

Macau antigo di gudám
co dispénsa pa guardá catá-cutí;
Quarto do quiada na lau-chai.
Quartinho di bánho na vánda-trás,
co bacia de lóiça pa lavá rosto,
balsa di pau pa lavá corpo...

Casa-casa antigo
di Macau tamêm antigo...

Seléa Macau, únde têm vôs?

*Veja a resposta amanhã.